“El bar nuestro de cada día”, ostiral honetan Tafallan

18/02/2026

Ostiral honetan, otsailaren 20an, 20:00etan, Chipi La Canallaren “El bar nuestro de cada día” antzezlana ikusi ahal izango da Tafallako Kulturgunean. Sarrerak Kulturgunean edo esteka honen bidez eros daitezke.

Umorezko bakarrizketa musikala. Bertan, Antonio Romera “Chipi” k meza bat birsortzen du taberna batean, eta liturgia katolikoan oinarritzen da tabernak sakralizatzeko eta bizitza eta jendea gurtzeko tenplu gisa aldarrikatzeko.

Batzuetan kontzertua, besteetan antzerkia, besteetan lagunen arteko solasaldia… Azken batean, “Chipi” ren jenialtasunaz berriro gozatzeko aukera da, bizitza, jendea eta partekatzeko artea aldarrikatzen dituen formatu batean, eta hori guztia bere ohiko umorearen, herri-jakinduriaren eta hunkigarritasunaren nahasketarekin.