Maiatzak 17, LGTBIfobiaren aurkako Nazioarteko Eguna

17/05/2024

Urtero, maiatzaren 17an, LGTBIfobiaren aurkako Nazioarteko Eguna ospatzen dugu, pertsonek beren sexu-orientazioagatik eta/edo genero-identitateagatik jasaten dituzten diskriminazio eta erasoen inguruan gizartea sentsibilizatzeko.

Nafarroa aitzindaria da LGTBI+ pertsonen eskubideak aitortzen, LGTBI+ pertsonen berdintasun sozialerako ekainaren 19ko 8/2017 Foru Legearen onarpenak bermatzen duen bezala.

Lege-esparru honen, eta Nafarroako gizarteak oro har sexu-aniztasuna errespetatzen duen arren, min handia eman digute azken egunotan salatutako erasoek; izan ere, errealitate ikusezin bat islatzen dute, eta horrek jarrera aktibo, konprometitu eta koordinatu bat eskatzen digu, legezko berdintasuna benetakoa eta eraginkorra izan dadin lortzeko.

Garrantzitsua da gogoraraztea Berdintasun Ministerioak LGTBI+ eskubideen arloko informazio eta arreta integraleko 028 Arcoíris zerbitzua jarri zuela martxan 2023ko uztailean. Telefono-zerbitzu bat da, informazioa, aholkularitza juridikoa eta berehalako arreta psikosozial espezializatua lortzeko LGTBIfobiaren indarkeria mota guztien aurrean, LGTBI+ pertsona guztiei edo hurbilekoei zuzendua. Zerbitzua guztiz doakoa da eta urteko 365 egunetako 24 orduetan dago martxan.

Horregatik guztiagatik, Tafallako Udalak, Berdintasun Arloaren bitartez, honako hau ADIERAZTEN DU:

• GURE GAITZESPENA sexu-orientazioak eta/edo genero-identitateak eragindako indarkeriari.


• GURE KONPROMISOA, administrazio publiko gisa, pertsona guztien berdintasunaren alde aktiboki lan egiten jarraitzeko, diskriminazio mota ororen aurrean zero tolerantziaren printzipioarekin.


• GURE ELKARTASUNA eta baliabide publikoen eskuragarritasuna erasotuentzat, lagunentzat eta familientzat.


• HERRITAR GUZTIAK GONBIDATZEN DITUGU beren gaitzespena eta pertsonen askatasuna eta autonomia mugatzen eta baldintzatzen duen indarkeria desagerrarazteko konpromisoa adierazten jarraitzera.

Bestalde, Homofobia, Transfobia eta Bifobiaren aurkako Nazioarteko Egunaren barruan, Bilboko LGTBIQ+ Nazioarteko Zinema eta Arte Eszenikoen Jaialdia (Zinegoak) Tafallara iritsiko da :

• Asteazkena, ekainak 19. Film luzea. Transfarianoa.

La entrada Maiatzak 17, LGTBIfobiaren aurkako Nazioarteko Eguna se publicó primero en Ayuntamiento de Tafalla/Tafallako Udala.