Tafallako udalaren Adierazpen Instituzionala, LGTBI+ Harrotasunaren Nazioarteko Eguna dela eta

27/06/2025

Ekainaren 28ko LGTBI+ Harrotasunaren Nazioarteko Eguna dela eta, Tafallako Udalak pertsona guztien eskubideen defentsa eta bermearekin duen konpromisoa berresten du, Tafalla herri pluralagoa eta berdinzaleagoa izaten lagunduko duten politikak bultzatuz.

Historian zehar, LGTBI+ pertsonek gizartearen ondorioak jasan dituzte, askotan aniztasuna, disidentzia eta arau sozial batzuen haustura zapaldu eta zigortu dituelako. Homosexualitatea eta transexualitatea delitutzat eta gaixotasuntzat hartu izan dira duela urte gutxi arte. Errealitate horien despenalizazioa eta despatologizazioa, bai eta aurrerapen sozial eta arauemaileak eta azken hamarkadetan lortutako eskubideen aitorpena ere, pertsona guztiek beren nortasuna eta sexualitatea modu askean bizitzeko duten eskubidearen alde hamarkadak daramatzaten kolektiboen lanaren emaitza dira.

Tafalla komunitate aitzindaria da gaur egun LGTBI+ pertsonen eskubideen defentsan eta bermean, eta hori LGTBIQ+ Laiak kolektiboaren lan nekaezinari esker da, zeinak, erakundeekin koordinatuta, gure herria eta Erdialdea erreferente izatea lortu duen.

Zalantzarik gabe, gizarte gisa aurrera egin dugu eskubideen aitortzan eta aniztasunarekiko errespetuan, bainaezinbestekoa da berdintasuna eta aniztasuna funtsezko balio gisa aldarrikatzen jarraitzea, gizarte bidezkoagoa eta pluralagoa eraikitzeko. Izan ere, lortu duguna lortu arren, azken urteotan diskurtso eta jarrera erreakzionarioen gorakada kezkagarria ikusi dugu, hainbat sektore sozial eta politikok LGTBI+ pertsonentzat eta, bereziki, trans pertsonentzat lortutako aurrerapenak eta eskubideak zalantzan jartzea bilatzen baitute. Hori guztia, LGTBI+fobia eta orientazio, identitate eta genero adierazpenagatiko gorrotodelituek errealitate izaten jarraitzen duten une honetan.

Olatu atzerakoiaren aurrean eta eskubideak ukatu nahi dituztenen aurrean, Tafallako Udalak bere konpromisoa berretsi egiten du berdintasunarekin, aniztasunarekin eta sexu eta genero identitate eta aukera guztien ikusgarritasunarekin, baita LGTBI+ pertsona guztien eskubideen defentsarekin ere, izan ere, irmoki uste dugu pertsona guztien eskubideak aitortzeak eta bermatzeak Tafalla gizarte inklusiboagoa eta berdinzaleagoa bihurtzen laguntzen duela, aniztasuna harrotasunez aldarrikatu eta defendatuko duena.

Horregatik guztiagatik, Tafallako Udalak bat egiten du Nafarroako Gobernuaren “Orgullo de diversidad” / “Aniztasunean harro” kanpainarekin, pertsona guztiek beren gorputzari eta nortasunari buruz erabakitzeko eta izateko duten eskubidea aldarrikatu nahi da. Horrela, “Sailkaezina” eta “Naizena naiz” dira aurtengo kanpainako irudiekin batera doazen mezuak. Helburua da harrotasunaskotarikoa indarrez eskatzea, ezarritako mugetatik eta kategorietatik haratago, eta pertsona guztiek aske izateko eta bizitzeko duten eskubidea defendatzea.

Tafallako Udalak herritar guztiak animatzen ditu egun honetan LGTBI+ pertsonen oinarrizko eskubideen aldeko jarrera irmoa adieraztera.

La entrada Tafallako udalaren Adierazpen Instituzionala, LGTBI+ Harrotasunaren Nazioarteko Eguna dela eta se publicó primero en Ayuntamiento de Tafalla/Tafallako Udala.