Tafallako Udalak jardueraz beteko du maiatza Euskararen Udaberria ospatzeko

29/04/2025

Hilaren 15etik 25era, gainera, Euskal Herri osoan ospatuko den Euskaraldiak ere lekua hartuko du gurean

Udaberriak arima eta gorputza alaitzen baditu ezin eta garai hobea da hizkuntza ohiturak hobetzeko. Horren harira, urtero bezala, Tafallako Udalak Euskararen Eguna ospatuko du maiatzaren erdialdean. Aurtengoan, gainera, hilabetean zehar garatuko diren jardueraz lagunduta. “Euskararen Udaberria” lelopean; kultura, literatura, hitz egiteko tailerrak edo aisialdirako zenbait ekimen antolatu ditu Udaleko Euskara Batzordeak.

Alor literarioan Amets Arzallusen Miñan liburu arrakastatsuak izango du protagonismoa, bai autorearekin egingo den solasaldi batekin hilaren 5ean zein obraren antzerkiarekin 9an. Atxagaren Behi euskaldun baten memoriak ere presente gongo da, baina erakusketa moduan liburutegian.

Udalaren errekonozimendu ekitaldia 16an, ostirala, izango da, larunbatean egun handia ospatuko delarik goizetik gauerako jarduerekin herriko txoko ugaritan zehar.

Haurrek ere izanen dute haien tokia, batik bat hilaren 21ean egingo den ludotekan edo hurrengo egunean, osteguna 22, Ereta Parkean ospatuko diren herri kiroletan. Euskararen egunean bertan, nola ez, haurrentzako txokoa ere egongo da.

Euskaraldia 2025

Maiatzaren 15etik 25era, gainera, Euskaraldiaren laugarren edizioa ospatuko da, bere aurkezpen propioa izango duena Tafallan. Gogoan izan hizkuntza-ohiturak aldatzeko sortutako mugimendu soziala dela Euskaraldia, Euskal Herri osoan eragiten duena. Honek herritarren hizkuntza-praktikak aktibatu eta euskararen erabilera handitzea du helburu, eguneroko harremanetan euskara lehenetsiz eta 11 eguneko praktika sozial masibo bateratura dei eginez. Ahobero eta belarriprest txapak banatzen ari dira iada herrietatik eta izen emateak web orriaren bidez egin daitezke. “Elkar mugituz egingo dugu” da aurtengo lema eta Bulego taldeak ipini dio musika “Gure bihotzaren taupadak” abestiarekin.

Euskararen Udaberria

Maiatzak 5 Astelehena

12:00 Solasaldia | Amets Arzallus Antia, Miñan liburuaz. Tafalla Kulturgunean.

Maiatzak 9 Ostirala

20:00 Antzerkia | Miñan. Tafalla Kulturgunean.

Maiatzak 12 – 30

Erakusketa | MO. Behi euskaldun baten memoriak. Liburutegian.

Maiatzak 14 Asteazkena

18:30 Mintzodromoa | Arkakusoen plaza.

Maiatzak 15 Osteguna

19:30 Antzerkia | Hilkutxa baten komedia. Kulturgunean.

20:15 Euskaraldia | Ahobizi eta Belarripres txapen banaketa. Tafalla Kulturgunean.

Maiatzak 16 Ostirala

19:30 Omenaldia | Udaletxean.

20:00 Bertso poteoa | Joanes Ilarregi eta Oihana Bartrarekin.

Maiatzak 17 Larunbata

10:00 Ibilbide gidatua | Berdesiarekin, Fuente del Rey – Pinar Ereta. Hamaiketako autogestionatuta.

12:30 Txaranga + Pintakaras | Arkakusoen plazatxoan.

14:30 Bazkaria | Eretan. Txartelak www.tafalla.es orrian.

15:30 Jokai | Haurren gunea Eretan.

18:30 Puzgarriak + merienda | Haurrentzat. Plazan.

18:30 Trikidantz Taldea | Arkakusoen plazatxoan.

21:15 Zezensuzkoa

21:30 Ezpika Taldea | Arkakusoen plazatxoan.

Maiatzak 20 Asteartea

19:00 Irakurle taldea | Liburutegian.

Maiatzak 21 Asteazkena

16:30 Ihes gela | LH 5 eta 6 mailako ikasleentzat. Ludoteka.

Maiatzak 22 Osteguna

17:30 Herri Kirolak | Haurrentzat. Ereta Parkea.

La entrada Tafallako Udalak jardueraz beteko du maiatza Euskararen Udaberria ospatzeko se publicó primero en Ayuntamiento de Tafalla/Tafallako Udala.