2025eko Aste Santuko jarduera turistikoak

11/04/2025

Tafallako Udalak plan batzuk proposatzen ditu  Aste Santurako, bisitariek edo bertakoek goza ditzaten. Tafalla ezagutzera etorri nahi dutenentzat bideratutako jarduerak dira baina baita gure herriko eta eskualdeko pertsonentzat diseinatutakoak, inguruneaz gozatuz gure ondare kulturala, naturala eta gastronomikoa berraurkitzeko aukera eskainiz.

Apirilaren 17tik 26ra, honako jarduera hauetaz gozatu ahal izango da:

Tafallako Jauregia eta hilarriak

Aste osoan zehar Tafallako Errege Jauregiko erakusketa doan bisitatu ahal izango da Kultur Etxeko Lagar Aretoan. Eraikin berean “Harria, lurra eta memoria” erakusketa dago ikusgai, Tafallako Udalaren hilarrien bilduma, eta 15:00etatik 21:00etara bisitatu ahal izango da.

Bisita gidatuak Mencos Jauregiko solairu noblera

Tafallako ondarearen harribitxi hau Mencos familiak jauregiko solairu noblera egindako bisita gidatu batean ikusi ahal izango da. XV. mendeko jauregiko gelak zeharkatuz, bisitariek izan duen historia guztia ezagutu ahal izango dute, eraiki zenetik gaur arte. Zortzi bisita izango dira: apirilaren 17an, 18an, 19an eta 26an, goizeko 11:00etan eta 12:30ean. Sarrerak salgai daude jada esteka honetan, 6 euroren truke.

Ardoak, zentzumenak eta baretasuna (Cata Mindfulness) Mencos Jauregiko Upeltegian

Gure herrian inoiz egin ez den jarduera bat aurkezten dugu. Ardoaren bidez, erlaxazio eta kontzientzia beteko egoerara eramango zaituen dastaketa. Mindfulness teknikak erabiliz zentzumenak areagotzeko, esperientzia berritzaile, sakon eta aberasgarri batez gozatuko dugu. Hori guztia leku paregabe batean: Mencos Jauregiko upeltegian, XIII. mendeko haritzezko upelez eta Tafallako ondareaz inguratuta. Ikasteko, erlaxatzeko, zentzumenak doitzeko eta gure lurraldeko ardoaz gozatzeko aukera paregabea.

Plazer bat zentzumen guztientzat. Mindfulness dastaketa apirilaren 25ean egingo da arratsaldeko 19:30etan. Sarreren prezioa 12 eurokoa da. Sarrerak salgai daude jada esteka honetan.

Mendi-ibiliak eta bizikleta-ibilbideak maila guztietarako

Era berean, turismo aktiboa sustatzeko deia egiten dugu, bizikletaren edo mendi-ibilien bidez Tafallako natura eta ondarea ezagutzeko. Gure herria eta inguruko herriak lotzen dituen eta Tafallan berreskuratzen ari den landa-ondarea erakusten digun trekking edo BTT bidezidorrak modu autonomoan ezagutzera animatzen dugu. Ibilbide horiei buruzko informazio guztia eta ibilbideen deskarga honako web orri hauetan aurki daitezke: “A pie Zona Media Erdi Aldea” eta “BTT Zona Media Erdi Aldea“.

Aste Santua eta pazkoa Tafallan eta inguruan gozatzeko plan ugari.

Jarduera horiek guztiak Tafallako Udalak eta Nafarroako Gobernuko Turismoak diruz laguntzen dituzte.

La entrada 2025eko Aste Santuko jarduera turistikoak se publicó primero en Ayuntamiento de Tafalla/Tafallako Udala.