Euri eskasiak eragindako lehorteari aurre egiteko neurriak ezarri dituzte Markinan

17/09/2020

Línea Verde

info@lineaverdemunicipal.com

Markina-Xemeingo Udalak edateko ura aurrezteko eta zentzunez erabiltzeko neurriak hartu ditu, udalerrian "aspaldian euri gutxi egin izanak eragindako sikateari aurre egiteko", asteazken honetan zabaldutako bandoan azaldu duenez.

Bizkaiko udalerri horretan izandako euri eskasiaren ondorioz Ur Partzuergoak neurriak hartzeko eskatu ostean hartu dituzten zenbait erabaki eta debeku jaso dituzte agiri horretan.

Ildo horretatik, "sare publikora lotutako herriko iturriak aldi baterako ixtea" erabaki du Udalak, eta "parke eta lorategien ureztatzea ebitatzea" eta "kaleak derrigorra danean baino ez ureztatzea".

Gainera, egoera ahalik eta azkarren bere onera ekartzeko asmoz, Udalak "eraikin eta zerbitzu publiko batzuetan uraren giltza zarratzea" agindu du.

Horrez gain, etxeko eremuan "edateko ura aurrezteko eta zentzunez erabiltzeko" eskatu die Udalak herritarrei. Horregatik, "ezingo da herriko ura erabili etxeko igerilekuak betetzeko, ortu eta lorategien erregadiorako eta kotxeak garbitzeko".

Bandoan, Udalak ohartarazi du "edateko ura bitarteko mugatua dala, eta, beraz, zaindu, kontrolatu eta neurrian erabili beharrekoa" dela beti, "baina are gehiago gagozan sikate larri egoeran egonda".

EITB.EUS

Cerrar [X]Uso de cookies

Utilizamos cookies propias y de terceros para mejorar nuestros servicios y recopilar datos estadísticos sobre hábitos de navegación. El uso de cookies es necesario para la notificación de incidencias. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies